IRENG NYALAWADI

Nalika montorku playon alon mrambat dalan alus kuthomu
Tak rasakke angin semilir ngusap pinggir pipiku
Bablas mengguri ngoyak ruwet rambutku
Terus ngilang embuh nyang ngendi mau

Coba dak sawang mengarep kono....
Nalika dak deleng ana wanita tuwo
Nggletak kebak getih sajak koncatan nyowo
Tanpa ana siji-sijio pitulungan saka manungso

Tak wanekno atiku......
Tak endheg lakuku tansah nyedhaki sing gawe gundahing atiku
Ya Alloooooooooooohhhhhhh Gustiku.......
Coba Tak Bukak kain ireng kang nutupi jasad kang sajak nyemu biru....

Kaget atiku....
Munggah Getihku nalika ndeleng jasad wanito tuwo iku
Obah ngoyak kain ireng sing ana tanganku....
 Ngguyu....sajak ora nesu ning malah mbisiki cedhak kupingku.......
.."Pakai Hitam....Siapa takuuuuuuut????"

wooooooooo.......wong tuwek gasut,koyok clurut
Diampuuuuutttttt.....!!!!

SAPA SING EDAN????

Coba delengen mangetan
Nalika wong edan pada kumpulan
Coba rungokno kang podho sautan
Nalika wong edan wis pinter rerasan

Nyoba rerasan anehing kahanan
Nyawang nduwuran pada royokan
Dudu atusan malah milyaran
Ora mikir wedi kadosan

Oalah wong edaaaaannnnn......
Wis trimanen wae nasibmu wong edan
Ora usah ndeleng nduwuran kang pada edan
Trimanen kahanan masiyo tanpa katok-an

" SEPIRO KUATE PAGERMU...??

Sepiro kuate tembok waja kang ngalangi lakuku
Ora bakal bisa ngendheg niatku
Sepiro dhuwure pager wesimu
Ora bakal bisa ngalangi jangkahku

Coba alangana....
Coba tutupana....
Aja sampek ngendheg lakuku
Aja sampek ngalangi niatku

Pager wesi tak tabrak...
Tembok beton tak dobrak
Ojo maneh mung alangan sak paku rujak
Apa wae bakal tak sasak

Remek awakku ngladeni sliramu

Kabeh tak sasak mung mbelani awakmu
Sik menengo aku tak turu
Ojo nganti diganggu.......

Ojo lali pesenku...
Elingo....
ojo dilalekno.....
Mengko yen ana bakul bakso liwat...aku gugahen yo.....!!!

UCULANA DHEMITMU


Manis ucapmu ora sumbut kaya manis esemmu
Tulus awehmu ora bakal nutupi alaning atimu
Ngerti to sapa sejatining kowe?
Wujud manungsa kang nggembol wataking dhemit

Marenana.......
Pungkasana watak ala kang bisa njegurake awakmu
Mlebu jroning panase hawa neraka
Tanpa bisa selak lan tumindhak apa

Elinga.....
Elinga sapa to kowe..??
Mung awujud manungsa tanpa daya
Cilik ing ngarepe sing duwe kuasa

Uculna watak dhemitmu
Ilangono setan-setan sing nguwasani ragamu
Dadio manungsa kang kebak guna
Dudu manungsa kanag terus agawe sara....

MENYANG  NGENDI  PLAYUNE  SEMAR


Wujud ora bisa nutupi atimu
Kebak dening pitutur suci
Ngayomi lan gae bungahing ati
Wicaksana jroning ngayahi ilmu

Ning ngendi playumu sing biyen
Ning ngendi paranmu
Aku wis ora bisa nguber playumu
Aku wis ora bisa kuwawa nggoleki sliramu

Semar saiki...........
Ora bisa dadi kaya semar wingi uni
Semar kang dhuwur ing drajat
Ning asikap kayadene wong mlarat

Semar saiki.......
Bisa ngadeg jejeg
Tanpa ngerti sapa sing kudu di idheg
lan sapa kang kudu di jejeg

Duh semar.......
Balio semar.....
Muliha.........
Brastanen para manungsa-manungsa kang awujud semar mung samar

 "  WATU AYU  "

Suwe tak sawang netramu cah ayu
Katon sayu tur nandang rindu
Alus tak usap rambutmu cah ayu
Trimo meneng lan tanpo nesu

Duh bungahing atiku cah ayu
Saumpama sliramu bisa dadi duwekku
Mendah senenge atiku cah ayu
Saumpama sliramu gelem nampani atiku

Tak wanekno atiku...
Tak tata apa mengko ucapku
Kanggo nembung opo ing njero atiku
Supaya sliramu bisa dadi sigaring nyawaku

Taktakoni..... sapa jenengmu???
ora njawab mung meneng mbisu
Tak goda piye amprih ngguyumu
Sak ithik ora kawetu esemmu

Duh Gusti Pangeran akarya jagad..
Kaget atiku naliku namatne sliramu
Mandheg rasane jantungku nalika ngerti wujudmu
Oalaaaaahhh.....tibake kowe mau mung patung watu to...??

JIANGKRIK.....!!!!!

IKI LHO AKU.......

Dudu guru kang kebak ilmu

Dudu manungsa kang kudu digugu

Kudu ditiru..

Mung patut diguyu

Iki lho aku......
Delengen...
Pandengen.....
Tamatno sapa sejatine aku

  Saiki kowe ngerti to?
  Aku manungsa dudu buto
                                                                     Dudu buto kang kebak murko
                                                                     Dudu buto kang nduweni watak angkoro.....

                                                                     

" PENYAIR TANPA R "

Dudu kalepku bisa nglonce ukaya

Dudu kalepku bisa nata endahing basa

Dudu kalepku

Dudu pinginku...

Sapa sing ngiya

Sapa kang bakal nyangka

Nalika tak duduhno sapa sejatine aku
Apa bisaku...

Aku dudu Langgawalsita

Ola kawental kayadene paya pujangga

Kang bisa nata ukaya

Endahing basa

Aku mung  penyail dalanan

Cedhak ing coban

Tanpa payan

Tlima ing pinggilan

" LINTANG NJERO BANYU "

Sunar kang kudu katon sumebyar ing jagad
Ora bisa kelakon padhang
Ora bisa katon cumlorot
Kaya mbulan ing nduwur segara

Apa iku kang dadi salah sawijining pratandha?
Apa iku kang kena diarani suwara ndonya
Kang suwe kabingkem dening kuasa angkara
Nganti ora duwe daya,ora ana tenaga

Lintang njero banyu....
Mung bisa sumunar ana ing njero
Mandheg ing ati ora nganti tekan lathi
Mati....tanpa nduweni arti.

"TATKALA API NERAKA TAK PANAS LAGI"

Ketika manusia mulai tak kenal dunia
Ketika dunia  mulai tak kenal etika
Tak mengenal itu siapa
Tak mengenal dia dimana

Dosa bukan lagi dianggap ancaman
Dosa dijadikan sebagai pedoman
Hanya selesai hinggap di angan
Hilang dan tak tertahan

Panas api neraka sudah tiada rasa
Kalah oleh dinginnya dosa
Hilang lenyap tak lagi membara
Neraka bagai di surga.

" SANDAL JEPIT "

Suwe anggonku ngadeg ing ngarep masjid anyar iki
Bingung,sedih,krasa ing ati
Rumangsa lali aku duh Gusti
Ora krasa weninge luh netes ing pipi

Coba tak tata gundahing ati
Madhep mantep coba nggoleki
Siji mbaka siji  tak ati - ati
Perkara nyalawadi kang njalari lali

Coba tak tata atiku
tak kencengne pikirku
madhep mantep nggoleki slira_MU
Duh Gusti...ning ngendi sandal jepitku????

Coba Delengen Kae

Ana ing ngendi atimu
Ana ing ngendi rasa welasmu
Nalika ngerti panase hawa
Mrambat ana pucuking rikma

Delengen kae...........
Nalika ana kang nusuk tajeming netra
Coba paranana,coba tulungana
Aja mung bisa ngadek degsiya

tanpa rasa.....
tanpa daya....
tanpa tumindhak apa
Nyingkuri perkara golek ing lena.